ابن نكتة: يناير 2010

115

>> الاثنين، 18 يناير 2010

أب ملقى على السرير ومن حوليه اولاده وهو يلفظ أنفاسه الاخيرة
فأمسك بعصى صغيرة واعطاها الابن الاكبر وقال له :اكسرها يابني
فكسرها ابنه..ثم اتى بعدد كبير من العصيان وجمعهما مع بعضهما البعض
ثم قال للأبن مرة اخرى اكسرهما يابني.. ثم كسره مرة اخرى فقال الاب
يا أبنائي مادام معكم هذا الثور فلا خوف عليكم

114

>> الخميس، 14 يناير 2010

واحد زملكاوى ليلة الدخلة العروسة بتقوله: قبل ماتلمسني عايزة اعترفلك انك مش الراجل الاول في حياتي العريس الزملكاوى رفع ايديه للسما وقال هو يارب المركز التانى ده ورايا ورايا

113

واحدة عجوزة أوي سمعت ان عزرائيل بيجيي للعواجيز راحت جايبة بامبرز و سريلاك و قعدت تاكل جالها عزرائيل قالها انتي بتعملي ايه قالتله باكل ممم قالها طب بسرعة علشان هنروح بايييييي

112

مرة شيخ قاعد بيخطب الجمعة في احدى مساجد الصوفيةعن العلاقات بين الشباب والفتيات ويقول:وتكذب على اهلها وتخرج مساءأ لتلتقي بمن ؟؟ خرجت لتلتقي بالحبيب .
فرددو الصوفية وراءه : اللهم صلي على الحبيب

111

شيخ نذل قرر يعمل محاضرة للعميان عنوانها: نعمة البصر

110

مرة واحد غزاوي سافر على مصر ومعاه 10 براميل شطّه. قالوله على الحدود ممنوع توخذهم معك... يا تكبهم او نصادرهم او توكلهم قال الغزاوي آكلهم. أجالو شيخ قالو: سمّي ليوكل الشيطان معك، قال: خليه يوكل. أكل الغزّاوي البرميل الأول والثاني والثالث وفتح البرميل الرابع واكلو بعد ما نبّه عليه الشيخ ثاني مرّة انّه يسمّي، فتح البرميل الخامس، طلع الشيطان عيونه ووجه منفّخين و حُمُر وقالهم متفتحوله الحدود يا ولاد الكلب!!

109

>> الأربعاء، 13 يناير 2010

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

108

واحد دائما بيحكي نكت عن الصعايدة وقرر انه يتوب

راح مكة ووقف أمام الكعبة

وقال : يارب اغفر لي عن كل كلمة حكيتها عن الصعايدة

واني أتوب لك توبة صادقة

وفجأة ....

جاءه واحد صعيدي من وراه وسأله :هى القبله منين ؟

قال : شفت يارب هم اللي بينكشوني

107

يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تحيا حكومة جمهورية مصر العربية

106

مرة واحد عنده 90 سنه اتجوز واحده عندها 80 سنه ..

اول يوم جواز دخل الحمام اخد شاور ولبس البيجاما دخلت العروسة اخدت شاور ولبست قميص النوم واتقابلوا في الصالة مسك ايدها وباسها وكل واحد راح غرفته ونام ..

تاني ليلة دخل الحمام اخد شاور ولبس البيجاما ودخلت عروسته الحمام اخدت شاور ولبست قميص النوم اتقابلوا في الصالة مسك ايدها وباسها وراح كل واحد على غرفته ونام..

تالت ليله دخل الحمام اخد شاور ولبس البيجاما واخدت عروسته شاور ولبست قميص النوم واتقابلوا في الصاله لسه بيمسك ايدها علشان يبوسها قالت له: بلاش الليله انا تعبانة!

105

واحد بيقول لصاحبه انت عارف في عيد جوازي الاول اخدت مراتي في رحلة لليابان... قاله يااااااااه... امال في عيد جوازك العشرين بقي هتعمل ايه... قاله هروح اجيبها من اليابان

104

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة،

قال والله انا كنت متأكد انهم في الهيصة دي هينسو حد

103

واحد بيقول لمراته : تصدقي جارنا بيقول انه خان مراته مع ستات العمارة كلهم الا واحدة بس؟
قالت لة أكيد الولية الرخمة اللي في الدور الرابع!

102

واحد مسطول بييصطاد سمك بالحشيش طلعتله سمكة بتقول : انا تمساااااااااح

101

واحد كسب مليون دولار راح يقول لمراته مراته ماتت من الفرحة لما سمعت الخبر قال : سبحان الله الخير لما يجي ، بيجي كلّه مرّة وحدة

100

>> الجمعة، 8 يناير 2010

مرة واحد فشار قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الفشار منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش

99

مره واحده وحشه داخله الحمام فبتقول اعوذ بالله من الخبث والخبائيث رد عليها الشيطان متخافيش انا طالع من غير ماتقولى ...

98

واحد محشش و واحد سكران بيقلدو صوت دورية البوليس
المحشش يقول "واااااااااااااااااااوييييييييييييي"
و السكران يقول "أزرق أحمر أزرق أحمر أزرق أحمر أزرق أحمر ..."

97

مرة واحد كان متعود يسب الدين كتير و فكر يتوب فراح لشيخ قاله يا شيخ أنا بسب الدين كتير و عاوز أتوب قاله خلاص انت تقعد جنبي في الدرس و كل ما تسمع اسم الرسول تقول "عليه الصلاة و السلام" و لما تسمع اسم حد من الصحابة تقول "رضي الله عنه" .
و فعلاً قد في الدرس و كل ما يسمع قال الرسول يروح قايل "عليه الصلاة و السلام" و يسمع عن أبو بكر يروح قايل "رضي الله عنه" لحد ما جت حكاية فيها أبو جهل فراح قايل "رضي الله عنه" فالشيخ قاله ايه ياعم ده كافر , قاله "يلعن دين أمه

96

واحد صاحبنا نساي أوي المهم إنه لا كان في الحج وبيطوف قعد يطوف مرة وإتنين و... لفيت كام مره لفيت كام مرة مش مشكلة نعد من الأول
رميت كام جمرة رميت كام جمرة مش مشكلة نرمي من الأول
أما وصل مصر نزل م الطيارة
أنا متأكد إني نسيت حاجة
نسيت إيه يا جرجس نسيت إيه يا جرجس ........

95

دكتور بيعمل عملية في مخ مريض وطلّع المخ وحطة في الصينية جنبه وشغال في الـجـمـجـمـة شوية ودخلت قطة وكلت المخ الدكتور احتار ملقاش غير جوز الجزمة حطها في الجـمـجـمـة و قفل وبعد كام سنة سأله واحد زميلة بيقول له أخبار مريضك بتاع الجزمة ايه ؟؟رد علية وقال له عقبال أملتك دا بقي الوزير بتاعنا

94

واحد قالو له الحق مراتك قاعدة مع صاحبك في البستان راح جاري و رجع على طول وقال لهم هم شجرتين عملتوهم بستان والراجل طلع لا صاحبي ولا اعرفو

93

اتنين حشاشين دخلوا السينما و بدل ما يقعدوا جنب بعض قعدوا ورا بعض الحشاش اللي ورا ياخد نفس من السجارة و يروح مناولها للحشاش اللي قدامه و يقوله مساء الخيييير و قعدوا على كده لحد ما طب البوليس على السينما و مسك الحشاشين
الحشاش الأولاني راح السجن و الحشاش التاني فضل مهنج رافع ايده مستني السجارة راحوا حطينه في مستشفى المجانين
بعد خمس سنين طلع الحشاش الأولاني من السجن و قال لما أروح أزوره في المستشفى
راحله المستشفى لقاه لسة مهنج على نفس الوضع يخبطه ينغزه مفيش
راح جايله من وراه و ولع سجارة و ناولهاله و قاله مساء الخييير
قام التاني أخد منه السجارة و قاله ايه ياعم ساعة

92

فيل اتجوز فرخة خلفوا تشيكن فيليه

91

واحد أعمى فتح من الفرحة اتشل

90

واحد بخيل قوي بيموت بيسأل و لاده , فين أحمد ؟ قالوله هنا .. قالهم فين محمد قالوله هنا ؟؟ قالهم فين أمكم؟؟؟ قالوله هنا .. قالهم كلكم هنا و سايبين نور الصالة والع يا ولاد الكلب

89

مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل
ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون

88

في طالب في الجامعة كان عنده مادة من المواد اللي بيدرسها مختصة بعالم الطيور
..ولما قرب امتحان المادة آخر السنة .. الطالب راجع وراجع لغاية ما طلعت
عينيه..
المهم.. دخل الامتحان وهوه واثق مليون فالميه إنه جاهز وينجح وبتفوق كمان..
المفاجأة إن الأستاذ قابلهم بسؤال واحد بس ..
السؤال كان عبارة عن صور لرجلين بعض الطيور..
والمطلوب معرفة أسماء الطيور من شكل رجليها بس...
صاحبنا إتعصب وضرب لخمه وكان هيعيط ومعرفش يحل السؤال.. راح قايم من الكرسي
وراح للأستاذ وراح مسلم ورقته فاضيه وقاله:
تفو عليك وعلي مادتك.. جاتك نيله انـته ومادتك..
جتك القرف..
رد عليه الإستاذ ببرود وقاله: اعتبر نفسك سائط في المادة يا بابا..
شويه كده.. لاحظ الإستاذ إن الطالب ما كتبش اسمه على ورقة الإجابه ..
قاله بنرفزه : أومال فين اسمك يا ولد ؟
قام عمنا رافع
بنطلونه لفوق لغاية ركبه
وقاله: ...
متيجي تعرف اسمي من شكل رجلية

87

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر راح ضربه و قال له إنت ودانك طويلة ليه

86

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

85

عائلة من أكلة لحوم البشر . الاب و ابنه خرجوا للصيد وسابوا الام ....استخبوا في الغابة.... شوية و شافوا واحد رفيع معدي ,الابن قال لابوه يالا نصطاده الاب قاله بس يا عبيط هوه ده فيه حاجه تتاكل ...شويه وعدى واحد تخين الابن قال يالا نمسكه و ناكله الاب قاله بس يا عبيط ده كله دهن لو اكلناه نموت....شوية و عدت واحده حلوة قوي الابن قال هي دي يالا نمسكها و ناكلها ...الاب قاله بس يا عبيط يالا نمسكها ناخدها البيت و ناكل امك ....... !

84

صعيدي اشترى بي إم دبليو بمواصفات خاصة، فيها الكمبيوتر يصلح كل شيء من غير ما يروح التوكيل!
حب الصعيدي يجربها فكسر الباب اللي ع اليمين، فرد الكمبيوتر: يا أيها الباب ارجع كما كنت، فرجع الباب،
وكسر الباب اللي ع الشمال، فرد الكمبيوتر يا أيها الباب ارجع كما كنت!!!
عجبته الحكاية قام جربها وطار من فوق الكوبري!!
فرد الكمبيوتر: يا أيتها النفس المطمئنة ارجعي إلى ربك راضية مرضية

83

الرئيس الأمريكي كان في البلد وماشي في الشارع لقى واحد شحات مد إيده في جيبة ما لقاش حاجة

راح قايل له أول ما أرجع أمريكا حابعت لك فلوس

أول ما رجع راح باعت لمصر مليون دولار

وصلوا لوزارة الخارجية راحوا مديين لوزارة الداخلية كل المبلغ مليون جنيه

راحوا باعتين كل المبلغ نص مليون جنيه لوزارة الصحة

راحوا باعتين كل المبلغ ربع مليون جنيه لوزارة الشئون الإجتماعية

راح م الوزير لوكيل الوزارة لحد الساعى

ما راح للراجل الشحات قال له الرئيس الأمريكي بيقول لك يحنن

82

ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يقول الشهادة قام واحد من عياله وسد بقه

81

>> الخميس، 7 يناير 2010

ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير
الحمير.

80

واحدة بتقول لحبيبها أهلي مسافرين والبيت فاضي قالها أقري قرآن
ومتخفيش

79

واحد محشش راح يخطب واحده ..
ابوها قاله:" انا عليا الشقة .."
رد عليه وقاله :" وانا عليا البنات
والبيره !"

78

مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته

77

واحد بيسأل خطيبته : حد قبلى لمسك ؟ سكتت
قالها : ايه زعلتى
؟؟
قالت له : بأعدهم

76

مرة واحد دخل على
مراته البيت لقى معاها راجل..قالها : و الله عال..النهاردة
راجل...بكرة تشربيلي سجاير !!!

75

إ ليسا وهيفاء وهبي ونانسي عجرم راكبين قطر
وبيكلموا عن فارس أحلامهم
إليسا قالت : نفسي أتجوز ضابط هيفا قالت :
نفسي أتجوز صيني نانسي قالت :
نفسي أتجوز لاعب كرة مشهور
سمعهم واحد متطفل
دخل عليهم وقالهم معاكوا العقيد شونج يونج الشهير بأبوتريكة

74

مرة واحد قال لصاحبه "عاوز أعمل مفاجأة لمراتي فى
عيد جوازنا"

صاحبه : "هتعمل لها إيه؟"

"هوديها
الصين"

"يا راجل فى
عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"

"هروح اخدها ! "

73

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة

72

مرة كان فيه واحدة عندها دولاب كل ما القطر اللي جنبيها يعدي الدولاب يزيق و يطلع أصوات, فندهت للنجار يشوفه
النجار قاللها يا مدام الدولاب زي الفل
قالتله لأ خش في الدولاب و استنى لما القطر يعدي و حتسمع بنفسك
الراجل دخل و قفل الباب و استنى , ساعتها جوز الست جه و دخل الأوضة و فتح الدولاب لقة النجار في وشه
النجار قاله و الله يا بيه لو حلفتلك اني واقف مستني القطر ما حتصدقني

71

محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س

70

الموساد قرر أنه يشغل جاسوس صعيدى عنده بعد طول بحث أستقروا على هريدى

راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه

كدة جاهز للمهمة بتاعته

هريدى : يعنى حارجع مصر

مدرب الموساد : أيوة .. تروح و تنفذ كل التعليمات اللى قلنالك عليها

هريدى : طب ازاى حاتصل بيكم

مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب

يقوللك ازايك و ازاى امك .. تعرف أنه تبعنا .. ماشى يا هريدى

هريدى : تحت أمرك يا فندم

و بالفعل رجع هريدى مصر .. و بعد شهرين أحس الموساد انه لازم يتصل بهريدى ..

فراحوا باعتينله مندوب

المندوب لبواب العمارة بتاعت هريدى : هو هريدى ساكن فى أنهى شقة

البواب : أنهى هريدى يا بيه .. العمارة فيها 4 هريدى

المندوب خاف لحسن العملية تنكشف : قولى شقة أى واحد فيهم

البواب : عندك واحد ساكن فى الدور الأول

طلع المندوب و خبط على الشقة اللى فى الدور الأول

المندوب : أنت هريدى .. ازايك و ازاى أمك

هريدى : أنت عايز هريدى الداسوس .. هو ساكن فى الدور الرابع

69

مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا

الغناء اثناء العمل قعدوا يغنوا " هيلا هيلا صلوا عا النبي " المقاول سمعهم

قالهم هاتخربوا بيتي مش معقول تبنوا كنيسة وتغنوا " صلوا عا النبي " غنوا

اي حاجة تانية ، في اليوم التالي سمعهم بيغنوا " هيلا هيلا بص عا الحيطة "انظر

للحائط وجد مكتوبا عليه " صلوا عا النبي "

68

فيه صعيدي معه اربعة جن واحد يوسوس له و الثلاثة الباقين يفهموه

67

نكته ماشيه فى الشارع بتعيط ليه؟
واحد ضحك عليها. , ,

نكته محكوم عليها بالاعدام ليه؟
موتت واحد من الضحك . , ,

نكته بتمشى لوحدها ومحدش بيكلمها
او يسلم عليها ليه؟
نكته بايخة . , ,

نكته ضربت واحد قاعد على القهوه ليه؟
بيقول على نفسه ابن نكته ،
ولا هى امه ولا تعرفه .

66

مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك
وهو بياخد الدورى ... قالت المذيعة : معانا اتصال هاتفي و نقول ألوو أيوة يا حاجة ابنك معاية أهوه يجيلك امتى

65

مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض

64

واحد بلدياتنا اتهموه بالذكاء .......... طلع براءة

63

واحـدة بتقـول لزوجهـا : ياريتـنـى جريـدة
علشـان اكـون فـى ايدك كـل يـوم ,
قال لـها : ياريتك نتيـجة اغيـرك كـل ســنــة

62

كمبيوتـر قال لكمبيوتـراية انتـى طالــق ,

قـالت : يالهوى ,,, والســى دى اللى فـى بطنــى .

اعمل فيه ايه؟

61

نشرة اخبار التاسعة مساءاً ليوم الأثنين الحادي عشر من فبراير عام 2100

اعرب الرئيس محمد محمد محمد جمال محمد حسني مبارك عن سعادته بثقة الشعب وانتخابة لفترة رئاسية خامسة على التوالى واعرب عن اسفة لوفاة جميع منافسيه قضائا وقدرا قبل الانتخابات بعدة ايام والبقاء لله
· قرر سيادة الرئيس البقاء على الحكومة الحالية والتي رافقته منذ توليه الحكم دون تغيير وذلك لأدائها المشرف فى الفترة السابقة وللحفاظ على الإستقرار فى البلاد.
· تلقى سيادته اتصالا هاتفيا من بينج بونج يع رئيس جمهورية الصين الشعبية العظمى.. وقد تباحثا خلاله فى القضايا الهامة فى المنطقة ، وتلقى وعدا من بينج بمحاولة الضغط على اسرائيل للعودة لحدود عام 2040.. ومن ناحيته وعد الرئيس ببذل جهود اكبر لمنع تهريب الحجارة للفلسطينين عبر الحدود المصرية
----------
فاصل قصير لتهدئة أعصاب السادة المشاهدين نستمع خلاله لأغنية العنب العنب من الزمن الجميل للفنان القدير الراحل سعد الصغير
**** ***
عــــدنا اليكـــــــــم
*******
· أعرب سيادة الرئيس محمد محمد محمد جمال محمد حسني مبارك عن أسفة لغرق العبارة السلام 10098 وأبلغ الجهات المختصة عن قلقة لتزايد اعداد العبارات لغارقة وأمر سيادته بتشكيل لجنة أساسية تنبثق منها لجان فرعية تتشكل من كافة الجهات المعنيه للبحث عن السر الغامض فى كثرة هذه الحوادث وامر بصرف ربع دولار تعويضا لاسرة كل متوفى بعد ان تدفع كل اسرة الرسوم المطلوبة منها و تقدر حوالي 113 دولارمصري فقط لا غير
· ألقت مباحث القاهرة القبض على طفل فى المناطق الشعبية وبحوذته قطعة شوكولاته وتطبيقا لقانون من أين لك هذا.. وبعد البحث والتحري واستجواب جميع افراد العائلة والجيران تبين ان الطفل قد تسلل ليلا عبر الاسلاك الشائكة الى احدى المناطق الراقية ووجد القطعة ملقاة على الارض.. وقد قامت النيابة بحجز الطفل والاب 45 شهر على ذمة التحقيق وذلك لمعرفه كيف تمكن الطفل من اجتياز جميع الحواجز الفاصلة بين المناطق الشعبية والراقية و قد اعربت جمعية حقوق الاثرياء عن قلقها من هذا الحادث وطالبت وزير الداخلية بالتحقيق فى هذا الاهمال الذى يمكن ان يعرض امنهم للخطر
· أعرب وزير الصحة عن تفائله لانخفاض حالات الانتحار هذا الشهر الى تسعة الاف حالة يوميا بعد ان بلغت الشهر الماضي عشرة الاف حاله يوميا.. ومازالت أسباب الانتحار غامضة
· قررت لجنة مختصة بإستمرار الحفر في قناة توشكى
· الرئيس يعلن عن وضع خطة خمسية للقضاء علي البطالة إستكمالا لمجهودات الرئيس الجد مبارك التي بدأها في مطلع القرن
· افتتح اليوم وزير الصحه المستشفى رقم 100251 للامراض النفسية والعصبية بطاقة استيعابيه تقدر بـ 10000 مريض و اعرب عن امله في جمع المزيد من التبرعات لبناء المزيد من المستشفيات من هذا النوع لاستيعاب الاعداد المتزايده من المرضى.. وايضا ما زالت الأسباب مجهولة لانتشار الأمراض النفسية والعصبية مثلها مثل حالات الانتحار
· من الاخبار الرياضية :فاز منتخبنا القومي على نظيره الجزائري ليتأهل الي تصفيات كأس العالم لعام 2104 بعد ان ابتعد عن بطولة كأس العالم منذ 1990 نتمني التوفيق للمنتخب القومي
· من الاخبار الفنية : صرحت الفنانة صباح بأنها اوشكت على الانتهاء من ترتيبات زواجها من الفنان المصرى الشاب كوكو هيثم تامر حسنى الذى ينتمى الى اسرة فنية عريقة يذكر ان هذه هى المرة السادسة والاربعين التى تخوض فيها الفنانة الكبيرة تجربة الزواج

انتهت النشـــ’ـــرة

60

صعيدي بيعد بالانجليزي ... وان - توو - ثري - فور - فايف -استغفر الله ? سكس.

59

قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــــــــــــن

58

مره واحده بتقول لجوزها "تصدق إن أنا كل يوم بحلم بيوم جوازنا" قالها " سبحان الله أنا بيجيلي نفس الكابوس كل يوم"

57

مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه

56

مرة واحد متجوز عنده دولاب قافلة 20 سنة والمفتاح معاه هوه بس
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها

55

اتنين من رجال الاعمال حظهم النحس خلاهم يعينوا فلخم وملخفن
الاول : انا عندي سكرتير غبي جداً
الثاني : انا عندي اغبى سكرتير ممكن تقابله
الاول : طيب حتى بص .... نده على ملخفن.. فجيه على طول
الاول قاله : خدالعشره جنيه دي اشتري بيها عربيتين مرسيدس
الثاني نده على فلخم .. وجيه على طول
الثاني : روح يا فلخم شوفني موجود في البيت ولا لأ
إتقابل فلخم وملخفن في الشارع
فلخم : فتحي بيه ده غبي قوي......جالي اروح اشوفه موجود في البيت ولا لأ
!!!!وهو معاه موبيل ويقدر يتصل بنفسه ويعرف
ملخفن : ده انت في عز...... انا سمير بيه اداني 10 جنيه وجالي اروح اشتري
!!!!!!!عربيتين مرسيدس و النهارده الحد والمحلات قافله

54

واحد بلديتنا دخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

53

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك امك سمى، صدرى اتحرق!"

52

مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."

51

هريدى: كيفك يا هنداوى عامل ايه ؟ بجالى مده ماشفتكش ..كيفك وكيف ابوك
هنداوى: أنا ماشي حالي الحمد لله بس الوالد البجية فى حياتك
هريدى: البجيه فى حياتك.. عارف كان عندو الجلب يالله الله يرحمو‎
هنداوى: بس والله ما مات من الجلب‎
هريدى: معجول ؟! كيف توفى؟‎
هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور‎
هريدى: واه واه موته وعره جوى، بكل الأحوال الله يرحمو‎
هنداوى: والله تعذبنا فيه كتير وعملنالو حوالى 12 عملية ليتحسن
هريدى: لكن كيف توفى؟‎ !
هنداوى: صار يمشى على عكازة ومرة عم بيجطع الطريج، سيارة مسرعة خبطتو‎
هريدى: يا لطيف ... الله يرحمو‎
هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب‎
هريدى: الله يرحمو بكل الأحوال‎
هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن‎
هريدى: طيب كيف مات‎
هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم‎
هريدى: الله يرحمو ارتاح‎
هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس‎
هريدى: لكان كيف مات؟‎ !
هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها‎
هريدى: يا لطيف على الموتة دى الله يرحمو‎
هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة‎
هريدى: فهمنا كيف مات‎ !!!!
هنداوى: والله اخر ما زهقنا اضطرينا نـطـخـه

50

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي

49

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

48

اتنين متجوزين من عشرين سنة .. قرروا يروحوا يصيفوا
ع البحر بنفس الفندق اللى قضوا فيه شهر العسل زمان
لكن الزوجة كانت مشغولة فاتفقت مع زوجها على إنه يسافر لوحده و هى
ها تحصله بعد يومين
وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت فقا م يبعت ايميل لزوجته يطمئنها فيه على أحواله
بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم .. الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها
نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم
أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك لعندى هنا بعد يومين
إشتقت لك كتير و مشتاق أشوفك و باتمنى تكون رحلة سريعة زى رحلتى
ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!!

47

تاجر مخدرات حصلت عليه كبسه شرطة فرمى المخدرات في عشة فراخ وجري تاني يوم بيدور على المخدرات في العشة فوجد فرخه كلتها كلها فقعد يضرب فيها و بعدين قال لها والله لأنا مأدبك فنتف ريشها كله و راح رماها في عشة الديوك فاتلمت الديوك عليها فصرخت الفرخه فيهم .. بقول لكم إيـــــه ... أنا مخدرات مش آداب

46

رئيس تحرير: وحضرتك إزاي بتعرف إذا كان المريض مجنون فعلا ولا مجرد تعبان نفسيا

الدكتور: بنعمله إختبار البانيو

رئيس تحرير: واللي هو ؟

الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة

رئيس تحرير: وطبعا لو استخدم المعلقة أو الكوباية يبقي مجنون لإنه المفروض يستخدم الجردل

الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟

45

هشام إتصل بالريس و صرخ فيه: يا ريس أنا من رجالتك....

.كدة برضه تتخلى عنى؟؟؟ و تسيبنى أتبهدل بالشكل دة:.....؟؟؟؟

الريس رد : و هية دى سوزان اللى إتفقنا عليها يا حمار....؟؟

44

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

43

استيقظت الزوجة أثناء الليل ولم تجد زوجها بجانبها في الفراش
وضعت الزوجة الروب ونزلت إلى الدور الأسفل ووجدت زوجها يجلس في المطبخ
واضعاً كوباً من القهوة أمام مستغرقاً في تفكير عميق
لاحظت الزوجة نزول بعض الدموع من عين الزوج
سألته الزوجة: إيه الموضوع؟ قاعد لوحدك ليه فى نص الليل؟
رد الزوج: فاكرة لما إتواعدنا من 20 سنة؟
أجابت: أيوه فاكرة.! ء
قال: فاكرة لما شافنا والدك و إ حنا في ا
لعربية؟
أجابت: أيوه فاكرة. .! ! ء
قال: فاكرة لما وجه لىّ والدك مسدسه وقا للى تتجوز ها ولا أسجنك 20
سنة؟
أجابت: أيوه فاكرة. ..!!!
نزلت دمعه من عين الزوج وقال: لو كنت دخلت السجن كنت خر جت النهارده

42

طفل من الهنود الحمر سأل أبوه:
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الاب:
يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها 'الشمس
المشرقة المطلة بين السحب الكثيفة '
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه 'الامطار الغزيرة
وسط البرق اللامع '
دي عادة قبائلنا طوال الازل
أنت ايه اللي مزعلك يا ' كلبين يشخو جنب الخيمة '

41

ياعوضين بنتك ماتت
قام الصعيدى وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة

40

رجل مسيحي دخل مسجد في مصر و معاه سكين و قال: مين فيكم مسلم ؟
محّدش رد عليه إلا واحد شجاع قاله: أنا مسلم
اخذه برا المسجد و قاله: عندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ
دخل المسيحي المسجد و السكين كلها دم من الخروف و قال: مين مسلم كمان؟
اشروا المصلين على الإمام
رد الإمام عليهم: ' في إيه ؟ هو عشان صليت فيكم ركعتين بقيت مسلم خلاص

39

قام بعض من الإرهابيون باختطاف طائرة مصرية وقاموا بتهديد جميع من في الطائرة بالقتل إذ لم ينصاعوا لأوامرهم وبعد فترة تقدمت امرأة لرئيس الإرهابيين وقالت

أنا لست بمصرية أنا صوماليه وحضرت لمصر للعمل والآن أنا عائدة لبلدي لكي أطعم أولادي وأنت تعرف المجاعة في الصومال قاتلة فأمر رئيس الإرهابيين بإنزالها من الطائرة

وبعدها بقليل تقدمت امرأة أخرى لرئيس الإرهابيين وقالت

أنا لست بمصرية أنا إندونيسية وقد أصابنا إعصار تسونامي و توفي كل أقربائي ولم يبقى إلا أنا فأمر بإنزالها من الطائرة

بعدها تقدم رجل متوسط العمر وقال أنا مصري وأنا من مشجعي نادي

الزمالك

فبكى رئيس الإرهابيين وبكى جميع من في الطائرة على حال هذا المشجع فأمر رئيس الإرهابيين بالإعفاء عن جميع المحتجزين وأعطى المشجع مكافأة مالية وسلم نفسه

38

واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

37

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

36

واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه

طب كتكوت بيعدي الشارع و فجأة مات .. ليه؟

الزلطة جت فيه
حاجه طايراه فى السما وبتقول نياو ايه هى؟؟؟
قطه بيضاء مضروبه بالشلوت

طب حاجه سوده طايره فى السما وبتقول نياو ايه هى؟؟؟
غراب بيستهبل

طب حاجه بنى طايراه فى السما وما بتقولش حاجه ايه هى؟؟؟
فرده الجزمه بتاعه الراجل الى ضرب القطه البيضاء

طب حاجه سوده طايراه فى السما وما بتقولش حاجه ايه هى؟؟؟
غراب عاقل وما بيحبش يستهبل

حاجه زرقاء طايره فى السما ايه هى؟؟؟
ذبابه لابسه بنطلمن جينز ازرق

طب حاجه سوده وفيها خط احمر وطايراه فى السما من الشرق للغرب ايه هى؟؟؟
ذبابه لابسه فستان سواريه وحاطه روج ورايحه فرح واحده صاحبتها

طب حاجه سوده وفيها خط احور وطايراه فى السما من الغرب للشرق ايه هى؟؟؟
نفس الذبابه نسيت حاجه فى البيت فرجعن تجيبها

حاجه سوده ماشيه فى الصحراء ايه هى؟؟؟
سرب نمل رايح يعزى

نقطه سوده على الحيطه ايه هى؟؟؟
ذبابة

طب نقطتين سود على الحيطه تبقى ايه؟؟؟
فيشه

طب 3 نقط سود على الحيطه تبقى ايه؟؟؟
ذبابه وفيشه

طب 73 نقطه سوده على الحيطه تبقى ايه؟؟؟
يبقى البياض بتاع بيتكم بيقشر

حاجه رفيعه وطويله ولونها ابيض ايه هى؟؟؟
فتله بيضاء

طب حاجه رفيعه وطويله ولونها اسود ايه هى ؟؟؟
خيال الفتله البيضاء

ازاي نحط فيل فازازة؟
نزقه فيها وهو بيشرب

ازاي نحط فيلين فازازة من غير ما يلمسوا بعض؟
نحط بينهم فيل تالت

طب ازاي تركب 4 فيلة على بسكلته؟
واحد يسوق ويمسك الازازة

ازاى نركب اربع فيلة فى عربية فولكس
اتنين ورا واتنين ادام

طب8فيلة فى مرسيدس
نبيعهاونشترى عربيتين فولكس ويبقى اتنين ورا واتنين ادام

ازاى نصطاد الفيل الاحمر؟
ببندقية الفيل الاحمر

ازاى نصطاد الفيل الاخضر
نستنى لما يستوى ونصطاده ببندقية الفيل الاحمر

ازاى نصطاد الفيل الازرق؟
نكسفه وشه يحمر ونصطاده ببندقية الفيل الاحمر

دكتور اتجوز محامية خلفوا ولد يسموه ايه؟
احمد على اسم جده

ايه الفرق بين القلة والزير
فى فوازير ومافيش فوا قلة

ايه عكس كونكريت
لاتكن كريت

ايع عكس زمان
زا ومن (The Woman)

ازاي نحط فيل في الثلاجة على ثلاث مراحل؟
نفتح الثلاجة - ندخل الفيل في الثلاجة - نقفل الثلاجة

طب ازاي نحط زرافة في ثلاجة على اربع مراحل؟
نفتح الثلاجة - نخرج الفيل - ندخل الزرافة - نقفل الثلاجة

ماهو الشئ اللي ننام عليه ونجلس فوقه ونغسل اسناننا فيه؟
السرير والكرسي وفرشاةالاسنان

ماالذي له راسان و8 اقدام؟
كلبان

س15:كيف نعرف ان 8 افيال موجودين داخل فندق شيراتون بدون ان تدخل الفندق؟
اذاوجدت 2 فولكس في مواقف الفندق

احترقت حديقة الحيوانات فاحترقت جميعالحيوانات التي
بها الا الزرافة لم تحترق...ليه؟

لاننا وضعنا الزرافةداخل الثلاجة

35

واحد بلدياتنا بالجيش اسمه ثابت

كل ما يصرخ الضابط ثابت يقول : افندم!!!

الضابط يقول لبلدياتنا : يابابا مش انته ,أنا قصدي خليك ثابت مكانك
.
علم الضابط ان الوزير حيزورهم وقال : أكيد ثابت حيفضحني قدام الوزير ، فأحسن لي أطلعه اجازه .

يوم وصل الوزير صرخ الضابط : ثابت
صرخوا بلدياتنا كلهم : مش هنا يافندم طلع اجازة .

34

الهدف في حياته
الحبيب: أن يرضيها
الخاطب: أن يرضي والدتها
المتزوج: أن يرضى الله عنه و يأخذها

نظرته إلى الدبلة
الحبيب: حلم
الخطيب: عبء مادي
المتزوج: بتعمل حساسية

أكثر بضاعة يشتريها
الحبيب: الورد
الخطيب: الحلويات
الزوج: حفاضات بامبرز

في صالة السينما
الحبيب: ينظر في عينيها
الخطيب: يمسك يدها
الزوج: يتابع الفيلم

طلباتها بالنسبة له
الحبيب: فرض عين
الخطيب: أوامر رئاسية
الزوج: زن

متى يفكر في الطلاق
الحبيب: يعني ايه طلاق؟
الخطيب: عند إصرارهم على الطلبات الحالية
الزوج: فقط عندما يكون مستيقظ أو نائم

إسمها على موبايله
الحبيب: حبيبة قلبي
الخطيب: المدام
الزوج: الحكومة

الجحيم بالنسبة له
الحبيب: مكان لا يراها فيه يوميا
الخطيب: مكان يرى فيه حماته المتطلبة
الزوج: حياته الحالية

ما هو الخلع؟
الحبيب: حكم بالإعدام
الخطيب: إهانة للكرامة
الزوج: نصر من الله وفتح قريب

33

واحد اتصل بمراته قالها حضري المية السخنة راح صاحبه قاله انت حمش قوي قاله

امال هاغسل المواعين بمية باردة

32

بنت اسمها سناء حاصلة على بكالوريوس تجارة 1998 ظلت لعدة سنوات تبحث عن عمل دون جدوى

فأشار عليها أحد أقاربها بالذهاب معه لمقابلة مسئول يعمل بحديقة الحيوان ليسأله عن عمل مناسب لها فاعتذر لهم المسئول

ولكنه بعد تفكير قال لثناء أن زوجة الأسد ماتت وأن الحديقة لن تأتى بأخرى الا بعد شهور بسبب الإجراءات الروتينية

وعرض عليها أن ترتدي جلد زوجة الأسد وتجلس في القفص مكانها يوميا من الساعة الـ 9صباحا حتى الساعة الـ 2 ظهرا لقاء مرتب جيد وطمأنها أن الأسد في قفص ملاصق لها وان بينهما باب مغلق

وظلت ثناء على هذا الوضع لمدة شهر حتى حدثت الواقعة حينما نسى الحارس في أحد الأيام إغلاق الباب الذي يفصلها عن الأسد

فدخل إليها الأسد محاولا التحرش بها فأخذت تصرخ مستغيثة وأنا سناء بكالوريوس تجارة 98

الأسد رد عليها و أنا طلعت محروس بكالوريوس علوم 95 !

31

لبست الفستان وراحت جراي عالكصر وشافها الامير وحبها وركصوا سوا وفجأة دكت الساعة طنعش وجراي وصارت ترمح ترمح ووكع ببوجها عالدرج (انخمد هالكيت وبكره بكملك باكي الكصة******) فلسطينية بتروي قصة سندريلا لابنها

30

واحد بخيل دخل مطعم و ادى للجرسون بقشيش , قاله أكيد عاوز ترابيزة مخصوص , قاله لأ أنا جاي بعد شوية مع خطيبتي تقولها مفيش ترابيزات

29

سعودي عايز يعلم ولاده انجليزي بعتهم أمريكا و جابلهم مربية أمريكية عشان ما يبقى لهم حل , بعد سنة دخل عليهم

و سألها :

where are the children

?

ردت عليه : عانهم يلعبون فوق !

28

نملة منبطحة على بطنها ليش ؟ تحل الواجب

27

واحد مات كتب وصيته و خباها مكتوب فيها : حتى دي عرفتي مكانها اعتقيني !

26

واحد بايخ تزوج واحدة بايخة جابو ولد مسوي نفسه ميت

25

صرصور تزوج ناموسه بعد أسبوع طلقها ليش ؟ ذبحته بالمص

24

واحد احول اكتشف بعد عشر سنوات انه يصرف على الجيران

23

واحد بلدياتنا ادوله واحدة سمبوسه فتحها يحسبها هدية

22

اختبرشخصيتك :

قول: أوء أوء أوء أوء

أي أي أي

النتيجة:قرد طبيعي 100%

21

واحد نذل انقذ واحد غارق ليش؟ عشان مايصير شهيد

20

فراش طلعله جني المصباح قاله انا عايز فلوس كتير قاله المارد بتهزر ؟ روح جيب شاي

19

قزم تخانق مع زوجته غضبت عليه حطت الجزمة فوق التلفزيون و خرجت

18

واحد نذل تهاوش مع أمه بالسوق مرت الهيئة قال تراها صديقتي

17

نمله لزقت في مغناطيس ليه ؟ مركبه تقويم

16

محشش ماشي في الشارع عدى على لجنة عايز يبعد الشبهة عنه وقفلهم وقال البوكس دة للبيع ؟

15

فار يجر أسد ميت شاف الحيوانات تصفق له ويقول :أنا إذا عصبت ما أرحم

14

جحش ودنه مقطوعة قاعد يشوف نفسه في المرايه ويقول دايماً الحلو ناقص

13

فيه محشش يقول للثاني تصدق انا احيانا ببص في المراية بحس اني حمار قال الثاني قول ما شاء الله احسن تحسد نفسك

12

في سكر وشاي قال الشاي يا حلو قال السكر يا مذوبني

11

في نمر مر من عنده قط يلاحق فار ضحك يقول يلعن أبو حركات الابتدائي

10

واحد بلدياتنا البنك اداله بطاقة صراف راح غلفها !

9

وحده حلمت أن محشش يلحقها قالت له وش تبي؟ قال مدري عنك أنتي اللي تحلمين

8

فيه نمله تصارخ بالحمام ليش ؟ صرصار فتح عليها الباب

7

واحد بنا بيته بشكل دائري علشان زوجته لا تقوله حابسني بين أربع حيطان

6

محشش يسأل محشش لو صحيت ولقيت نفسك ميت وش تسوي؟قال والله لأنهبل.

5

في بخيل سألوه لو كنت بردان تعمل ايه؟ قال: اقرّب من الدفاية، قالوا: اذا اشتد البرد تعمل ايه؟ قال: اقرّب اكثر، قالو: اذا شتد اكثر واكثر؟ قال اقرب اكثر واكثر.. قالوا اذا اشتد اكثر واكثر واكثر؟ قال اذا اشتد البرد اكثر من كده... هشغل الدفاية و أمري لله..!!!

4

مرة حبيبين بتمشوا في الشارع.. الحبيبة بتقول لحبيبها: حبيبي قولي كلمة تحرك قلبي.. قالها اخوكي وراكي!!

3

مدرس عربي دخل الفصل قال النهاردة حصة املاء.. يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف؟؟؟ الاستاذ قاله خلاص يا ابنى خليها الخميس...

2

مرة واحد توأم شاف أخوه قاله انت فين من الصبح ماما حمتني مرتين ..!

1

في اتنين مراتتهم تاهو منهم في مول واحد بيسأل التاني: مراتك لابسة ايه؟

قاله: بلوزة قصيرة شفافة وشورت جينز ضيّق، وإنت مراتك لابسة ايه ؟ قاله: سيبك منها خلينا ندور على مراتك

الاشتراك في: الرسائل (Atom)

© Blogger template Snowy Winter by Ourblogtemplates.com 2009

Back to TOP